Kinn flyttar inn 15. april

Fjordbladet melder at 15. april er satt som datoen då Kinn forventar å vera inne i sitt nye bryggeri. Nybygget ligg like utanfor Florø sentrum og er på 560 kvm. Planane for ei ytterlagare utviding på 300 kvm er allereie klare og når dette og er på plass har dei femdobla kapasiteten frå dagens 200 000 liter til 1 000 000 liter.

-Eg lagar øl ut i frå min eigen smak, og det har nok truffe blink hjå mange andre også, seier Espen Lothe til Fjordbladet. Han har planlagd fest for det nye bryggeriet i byrjinga av sommaren. Då vert det fest og ølsmaking på toppen av det nye lokalet, og musikk frå den, for mange, like kjende broren, Odd-Erik Lothe (Fabel og Finn-Erix).